Kush ishte deputeti Fatmir Xhindi.

Fatmir Xhindi nuk ëhtë politikani i parë i shtetit shqiptar që ekzekutohet. Historia e trazuar e vendit tonë njeh me dhjetëra raste të ministrave, deputetëve e deri tek kryeministrave. Gati të gjithë për politikën dhe në emër të saj. Seriali i politikanëve të vrarë nis vetëm tre vjet pas themelimit të shtetit shqiptar. Ministri i Financave në qeverinë e princ Ëidit, ai u ekzekutua në vitin 1915 vetëm pak muaj pasi kishte lënë detyrën. Por, duket se në të njëjtën kohë kjo vrasje shërbeu si një ogur i keq dhe politika në Shqipëri ëstë shndërruar në një profesion i rrezikshëm me viktima. Preng Bibë Doda, një personalitet i padiskutueshëm i kohës ekzekutohet vetëm katër vjet më vonë. Ndërkohë në 1920 vritet prefekti i Durrësit, Abdyl Ypi. Megjithatë ngjarja më e diskutueshme edhe në ditët dona ëstë atentati dhe vrasja ndaj Esad Pashë Toptanit në Paris më 1920 nga Avni Rustemi. Toptani, një personazh kontravers, i pushtetshëm dhe aventurier, u vra si shpërblim për favoret që u kishte bërë pushtuesve të kohës. Por, siç ndodh jo rrallë në Shipëri edhe atentatori, Avni Rustemi, do të pësonte të njëjtin fat vetëm katër vjet më vonë. Ai është qëlluar me tre plumba pikërisht aty ku sot ndodhet busti i tij dhe ndonëse arrin të ndjekë atentatorët, pas tre ditësh vdes në spital. Pas kësaj vrasje, ai që në fillim u quajt revolucvion demokratiko- borgjez, por që në fakt ishte një grusht shteti, shërbeu edhe si një betejë e re mes politikanëve. Nga Barjam Curri tek Hasan Prishtina e Luigj Gurakuqi, të gjithë këto personalitete u vranë prej politikës dhe në emër të saj. Por, lista nuk mbaron këtu. Nisën vrasje edhe më të theksuara me prapavijë politike përgjatë luftës dhe sistemit komunist. Për të ardhur tek ngjarja më e rëndë e shtetit shqiptar ajo e Mehmet Shehut, që ndonëse varianti zyrtar është vetëvrase, faktet hedhin shumë dyshime. Më shtator të vitit 1998 mbetet i vrarë Azem Hajdari, kryetari i parë i Partisë Demokatike të Shqiperisë, deputetet i saj. Azem Hajdari mbeti i vrarë më 12 shtator 1998. Ekzekutimi i Fatmir Xhindit është vrasja më e fundit që ndodh në politikën shqiptare.