Të burgosurit” e kafeinës

Dita nuk mund të nisë pa një kafe. Të gjithë e pinë për të hapur sytë, për të ndenjur zgjuar deri vonë për të përfunduar një punë të lodhshme, për të shkuar në një festë, apo në ndonjë vend tjetër që kërkon impenjim.
Në Francë, Itali, Belgjikë, si dhe në shtete të tjera të Evropës, mesatarisht më shumë se 41 milionë njerëz në ditë e përdorin kafeinën si “karburant”, sepse arrin t’i mbajë zgjuar dhe u jep më shumë fuqi.

Pothuajse dhjetë për qind e konsumatorëve të kafesë në shumë vende të botës shkojnë përtej dozave të këshilluara nga mjeku, duke i kaluar pesë filxhanë në ditë.

Për të përballuar ritmin e jetës së përditshme dhe angazhimet e shumta familjare dhe profesionale, po rritet në mënyrë marramendëse konsumi i kafeinës, si ajo që gjendet te kafeja, apo brenda pijeve si “Coca-Cola” dhe atyre energjike që pëlqehen aq shumë nga të rinjtë.

Kështu raportohet në një investigim të publikuar në revistën “El Mundo”. Në disa vende të Evropës, gjendja nuk është shumë alarmante, megjithatë, “ekziston një pjesë e madhe e popullsisë që e kalon sasinë e këshilluar prej 300 miligramësh në ditë.

Ku bëjnë pjesë njerëzit që abuzojnë me efektin stimulues të kafesë”, sqaron drejtori i Qendrës Ndërkombëtare për Ushqimet dhe Ushqyerjen.

Militantë të kafeinës, i quan e përditshmja spanjolle, ata që marrin çdo ditë doza aq të mëdha, sa mund të intoksikohen.

“Te këta persona, ky konsum lidhet me stilin e jetesës dhe aspektin psikologjik”, sqaron eksperti. Megjithatë, gjërat nuk janë kaq të thjeshta. Alkaloidi natyror që stimulon sistemin nervor qendror dhe metabolizohet shumë shpejt nga organizmi mund të ketë edhe efekte të padëshiruara. Disa njerëzve shumë të ndjeshëm mund t’u shkaktojë probleme me gjumin, takikardinë dhe hipertensionin.

“Duhet të jemi të kujdesshëm, mbi të gjitha, të shmangim përzierjen e pijeve me bazë kafeine, të mos abuzojmë me pijet energjike që përmbajnë dyfishin e kafeinës që ka kafeja”, tregojnë specialistët.

Në praktikë, edhe pse mund të konsumosh pak kafe, mund ta kalosh dozën e kafeinës nëse panines apo çfarëdolloj ushqimi që kemi në drekë, i shtojmë edhe “Coca-Colën”, një filxhan çaji, apo një pije energjike në mbrëmje, sugjerojmë ekspertët.

Megjithatë, studime të tjera kanë treguar për efektet pozitive të kafeinës mbi shëndetin: pengon zhvillimin e diabetit, kancerit të zorrës së trashë, sëmundjes së Parkinsonit dhe mbrojtjen e mushkërisë.

Më shumë se 75 për qind e popullsisë evropiane konsumon mesatarisht tre filxhanë kafe në ditë, ndërsa për shtatë persona në dhjetë është një zakon nga i cili nuk mund të heqësh dorë.

Për të shmangur që të shndërrohemi në “kafeinomanë” të vërtetë, është e këshillueshme që të mos kalohet sasia prej 300 miligramësh në ditë, e domosdoshme edhe për një shëndet të mirë

kurr
spi
ende jam fmi


---une pi qumesht...ska veti negative

hahahahah edhe une nuk pi kaffe por as qee e kam ndermend me fillu me pi kaffe as qumsht