10 këshilla të dobishme për të burgosurit.

Burgu është diçka që të gjithë duam ta shmangim, por jetës nuk i dihet. Ndoshta vjen nje kohë kur behesh pjese e saj (pavarësisht nëse jeni fajtor apo jo).

Këtu do të gjeni 10 këshilla për t'i mbajtur vath në vesh nëse e gjeni veten anëtar të kësaj shtëpie të madhe. Nëse jeni pa eksperiencë ju duhen këshilla për të ditur si të silleni, me kë të shoqëroheni dhe çfarë të bëni që ta përfundoni dënimin shëndoshë e mirë. Nëse do të ndiqni këto rregulla dhe me pak durim e përkushtim, do të mësoheni të bëheni tolerantë dhe të ruani gjakftohtësinë. Shpresoj që këtë artikull ta lexoni nga kurioziteti dhe jo nga nevoja.

Mos spiunoni të burgosurit e tjerë
Mos spiunoni të burgosurit që njihni aty brenda. Nëse ata e zbulojnë mund të hyni në një botë të re dhimbjesh. Tani që e morët vesh edhe këtë, mos tregoni mungesë respekti kundër rojeve, ata mund t’jua bëjnë kohën e dënimit më të lehtë.

Mos u përfshini me të fortët
Nuk po flas për tipat me flokë përpjetë, por ata që qëndrojnë gjithmonë pas një të forti, zakonisht për mbrojtje. Edhe përfitimet afat-shkurtra mund t’ju tërheqin (mbrojtje nga të burgosurit e tjerë), mund të bëheni një skllav me plot fjalë. Mund të bëheni objekt kumari apo t’i shiteni të burgosurve të tjerë he me siguri do të përdoreni dhe abuzoheni. As mos pranoni të bëheni lolot e dikujt tjetër. Të fortët që ju afrojnë pranë vetes, me siguri kërkojnë dikë të tallen. Nuk duhet të shoqëroheni as me ata që kanë nam të keq. Xhelozia në burg mund të çojë në vrasje.

Mos hyni në borxhe me askënd
Fillimisht kur të mbërrini, të burgosurit e tjerë do t’ju ofrojnë artikuj borxh sa të ngriheni në këmbë, për shembull cigare. Ato do t’ju ofrojnë një paketë në shkëmbim të dy paketave më vonë. Mos e pranoni në asnjë mënyrë këtë ofertë, pasi është një dredhi që ju të hyni në borxh me dikë tjetër. Nëse pini duhan, lëreni. Duhet të prisni derisa të keni para në dorë që të blini gjëra. Rregulli është: KURRË mos merrni gjë nga kushdo qoftë në burg. Kjo mund t’ju vrasë ose t’ju lëndojë seriozisht.

Mos përdorni drogë
Përdorimi i drogës është garanci për telashe. Do të hyni seriozisht në borxhe nëse bëheni të droguar dhe rrezikoni të ziheni befas nga rojet. Droga, edhe pse mund të gjendet me lehtësi kur jeni brenda dhe do t’jua bëjë kohën më pak të dhimbshme, me siguri do t’ju fusë në telashe edhe më të mëdha se ato ku jeni.

Mos e diskutoni krimin tuaj
Ky rregull vlen veçanërisht në rastet e krimeve seksuale. Të burgosurit e dënuar për këto krime janë shënjestra më e madhe për brutalitet. Në fakt, kjo është e garantuar nëse krimi përfshin fëmijë. Nëse jeni të dënuar për një krim që ka të bëjë me fëmijë, do të bëni mirë të kërkoni kujdestari protektive që në fillim kur hyni. Kjo me siguri do t’ju shpëtojë jetën.

Mbajeni gojën mbyllur
Mos i tregoni të tjerëve për jetën tuaj private. Mos i diskutoni krimet tuaja dhe mos diskutoni për politikë. Çdo tip diskutimi që mund t’ju sjellë zënka është i ndaluar. Mos i nxirrni të larat e të palarat tuaja në rrugë. Në të njëjtën kohë respektoni privatësinë e të burgosurve të tjerët dhe mos “fusni hundët” në jetën e tyre private.

Mos vështroni në sy të burgosurit e tjerë
Gjithmonë ecni me kokën përpara. Mund të duhet vetëm një shikim që zgjat një sekondë që ju të bëheni shënjestër dhune. Një tip mund të duket miqësor ose gjakftohtë një minutë, por minutën tjetër mund të bëhet armiku juaj më i keq.

Merruni me aktivitete fizike
Palestra jo vetëm që ju ndihmon të kaloni kohën e lirë, por gjithashtu ju ndihmon t’ju japë madhësi trupore, gjë që ju largon nga shënjestra e ngacmimeve. Nuk duhet të dukeni të dobët, kjo do të thotë që të ecni me kokën lart, mos shikoni këmbët ndërsa ecni. Shmanguni nga çdo lloj tundimi për të bërë tatuazh. Ato shpesh sjelli sëmundje, si hepatit. Do të pendoheni sapo të dilni jashtë.

Shmanguni bixhozit ashtu si murtajës
Kumari apo bixhozi është mënyra më e shpejtë për të vdekur. Nuk ekziston asnjë mundësi për të fituar; ose do të mbyteni në borxhe nëse humbisni, ose do të inatosni personat e gabuar nëse fitoni. Shmangiuni kumarit sikur të ishte murtajë. Të burgosurit do të bëjnë të pamundurën që ju t’i keni para borxh. Tani që e morët vesh këtë, është mirë të mësoni disa lojëra tavoline para se të hyni, që të kaloni kohën me lojëra miqësore.

Jini të respektueshëm dhe të sjellshëm
Gjithmonë jini të sjellshëm dhe të edukuar me të burgosurit e tjerë. Respekti është e vetmja gjë që i burgosuri ka dhe mungesa e kësaj gjëje do të ishte shkatërruese. Mos harroni, nëse i jepni të tjerëve respekt, ata me siguri do t’jua kthejnë favorin. Nuk e besoj se doni të bëni armiq në burg. Së fundmi, të qenit i burgosur është si të jesh në luftë, prandaj është më mirë të mos bëni asnjë krim