Astronautët e NASA-s përfunduan ecjen në hapësire

Astronautët në Stacionin Ndërkombëtar të Hapësirës dhe të anijes amerikane "Discovery" kryen dje ecjen e parashikuar në hapësirë, gjatë së cilës instaluan panele të reja diellore, që ndihmojnë për furnizimin e stacionit me energji.

Sic bën të ditur agjencia e lajmeve në shqip VOA, NASA tha se dy astronautët Steve Sëanson dhe Richard Arnold qëndruan në hapësirë pak më tepër se 6 orë për të instaluar bazën suportuese të paneleve diellore.
Astronauti Jozef Acaba u tha kolegëve të tij kontrollorë në Tokë, se instalimi i paneleve diellore u realizua jo aq lehtë sa ishte menduar, por shtoi se kolegët e tij “kishin bërë një punë shumë të mirë”.
Sfida mbetet sot, kur krahët e panelit diellor të shpalosen. NASA tha se ecja e djeshme në hapësirë është e para mes tre ecjeve të planifikuara gjatë misonit 13 ditor të anijes "Discovery".